نكــــــــــت حلوهــ..

راجل قام من النوم علي صوت زعيق
سأل الجيران ايه اللي حصل
قالو له المياه مسممه،
مراته صحيت سألته: في ايه؟
قالها:مفيش حاجه إشربي ونامي.
------------------
واحد مسطول اتصل بالشرطة وقالهم يعني لو احنا مسألناش انتوا ما تسألوش.
------------------
بلدينا جاله مسج حلو إنبسط وضحك
إتصل باللي بعتها وقاله: والنبي تبعتها تاني.
------------------
بلدينا خلف بنت الساعه3 الفجر.دبحها وقال معنديش بنات تيجي بعد نص الليل.
------------------
واحد بلدينا شاف واحده حلوه فى الاتوبيس عجبته لما نزل خد رقم الأتوبيس.
------------------
فار سكران نام جنب قطه ميته لما فاق قال أنا عارف نفسي لما اسكر بفتري.
------------------
بخيل حلم إنه بيوزع فلوسه علي الفقراء،
لما صحي قال أبقي عيل لو نمت تاني.
------------------
إتنين مساطيل
واحد سأل التانى
إنت أقرع ليه
قاله من الزمن
قاله بلاش تحلق
عنده تانى.
------------------
غبي راح يخطب واحدة أبوها قاله
البنت لسه في المدرسه قاله خلاص آجي بالليل.
------------------
مسطول قاعد يمتحن جاله سؤال ضع (إن) في جمله كتب: اشتريت تليفون إن سبعين.
------------------
خروف بيقول لمعزة
باء.باء.باء.باء بحبك
فالمعزة قالتله
ماء.ماء.مخطوبه.
-------------------
عريس مسطول على الآخر في يوم فرحه..
بعد المعازيم ما مشيو دخل البيت لقي العروس قاعده..
قال : والله أنا كنت عارف في الهيصه دي حينسوا حد !
-------------------
واحدة ماشية مع حبيبها بتقوله قولى كلمة تخلى قلبى يدق قالها أبوكى ماشى ورانا.
-------------------
عروسة هبلة دخلت فرحها تجري قالولها بتجري ليه قالت علشان احجز كرسي.
-------------------
واحد قبل ما يموت جمع ولادة التلاتة وحب يوصيهم
يفضلوا ايد واحدة و اعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم.
-------------------
اتنين حرامية دخلو شقة واحد بلدينا علشان يسرقوها واحد دخل
حجرة النوم والتانى رايح يدور فى بقية الشقة، اللى دخل حجرة النوم قعد يدور فى الدولاب وشوية حس ان بلدينا هيصحى راح داخل البلاكونة، شوية وبلدينا دخل البلاكونة لاقاه قالوه انت بتعمل اية هنا قالو انا طيار فى القوات المسلحة المصرية وكنت بحارب طيار يهودى وانا راجع البنزين خلص منى فتحت البراشوت ونزلت على البلاكونة بتاعتك ، قالوه هيا دي الرجالة مش التانى الا قعدلى فى البنيو وبيقولى من الضفادع.
-------------------
مرة اتنين بلدينا فكرو يلعبوا شطرنج الملك ضرب نفسة بالنار.
-------------------
داخل مستشفى للمجانين
الدكتور للمريض:اسمك ايه؟
المريض:انا ابن نابليون بونابرت
سابه الدكتور وسال مريض تاني مين ده
المريض الثاني :ده ابن نابليون بونابرت
الدكتور بص شاف واحد مش مقتنع بالكلام فساله
الدكتور:هوده فعلا ابن نابليون بونابرت
المريض:كداب طبعا ده لا ابني ولا اعرفه.
-------------------
اثنين خرجو من الامتحان واحد بيقول للثانى : عملت ايه فى الامتحان قاله : اسكت سبت الورقه فاضيه قاله : الله يخرب بيتك ها يفتكرونا غاشين من بعض .
-------------------
مرة بلدينا طلعله عفريت علاء الدين وقال له شبيك لبيك
خدامك بين ايديك
قال له عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟
-------------------
مرة 10 بلدينا بيلعبوا على الطريق الصحراوى واللي تخبطه العربية مرتين يطلع برة اللعبة.
-------------------
اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى.
-------------------
واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم.
-------------------
تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت. الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!
-------------------
مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشان أبويا مايخدش باله فصاح القهوجي وقال وعندك واحد بيره فى فنجان شاي وصلحووووووووووووو